Москвада 2 нафар Ўзбекистон фуқаросини уриб ўлдиришди (видео)

17.02.2019 | Жаҳон | 7529

Москвада Жануби-Шарқида юз берган муштлашувда 2 нафар Ўзбекистон фуқароси қурбон бўлди, деб хабар қилмоқда РИА Новости.

Хабарда айтилишига кўра, 17 феврал куни Волгоград проспектида жойлашган биноларнинг бири олдида муштлашув содир бўлган. Унда 1989 йилда туғилган фуқаро ҳалок бўлган, иккинчи фуқаро эса - касалхонада вафот этган.

Ушбу жиноят юзасида Россия ЖКнинг 111 моддасининг 4 банди бўйича – “Инсон танасига атайлаб оғир жароҳат етказиш оқибатида одам ўлдириш” - жиноят иш қўзғатилди, - деди Россия Тергов қўмитасининг Москва шаҳар бўлими ходими Юлия Иванова.   

Айни дамда ушбу жиноят тафсилотлари ўрганилмоқда, тергов ишлари давом этмоқда.