Ироқда бир вақтда туғилган етти эгизак вафот этди
19.02.2019 20:24,
9
Ироқнинг Дияла вилоятида бир вақтда туғилган етти чақалоқнинг барчаси вафот этди. Бу ҳақда Ироқнинг “al-Sumaria” телеканали хабар берди.
“Бир неча кун аввал “Ал-Баттул” шифохонасида туғилган еттита гўдакнинг барчаси вафот этди”, - дея маълум қилган телеканалга тиббиёт муассасасидаги манба.
Телеканал гўдакларнинг ўлими юзасидан батафсил маълумотларни келтирмаган.
Аввалроқ Дияла соғлиқни сақлаш департаменти 25 ёшли аёл табиий йўл билан етти гўдак – бир ўғил ва олти қиз дунёга келтирганини маълум қилган эди.
Дияла вилояти “Ал-Баттул” шифохонаси директори Али Шариф етти чақалоқнинг туғилишини Ироқ учун “мисли кўрилмаган” воқеа деб атаган. Она ва болаларнинг аҳволи яхши эканилиги ҳақида хабар қилинган эди.