Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Тўйиб ухламаслик семиришга олиб келиши аниқланди
25.02.2019 13:23,  
7

Япон олимлари тўйиб ухламаслик ва ортиқча вазн пайдо бўлиш хавфи ўртасида ўзаро алоқа борлигини аниқлашди, деб хабар бермоқда Asahi Shimbun нашри.

Васэда университети ва Kao Corporation компанияси мутахассислари ўтказган тадқиқот тўйиб ухламайдиган одамларда иштаҳани тартибга солувчи гормонлар миқдори камайишини кўрсатди. Бунда сарфланувчи энергия миқдори ўзгаришсиз қолади ва бу иштаҳа кучли бўлганда ортиқча вазн йиғишга олиб келади.

Олимлар 23 ёш атрофидаги 9 нафар соғлом кишини махсус хонага жойлаб, уларда метаболизм тезлигини ўлчашган. Тажриба иштирокчилари уч кун 7 соатдан, кейинги уч кун эса 3,5 соатдан ухлашган. 

Аниқланишича, охирги 3 кун натижаларига кўра, иштаҳани тартибга солувчи гормонлар миқдори нормал уйқу вақтидаги гормонлар даражасидан 10 фоизга камайган. Иштирокчилар яна 7 соатлик уйқуга  қайтганларидан кейин, гормонлар миқдори яна нормал ҳолатга қайтган. 

Олимлар моддалар алмашинуви тезлигини ўлчашдан ташқари, тажриба иштирокчиларидан ҳар соатда улар очлик ҳиссини қанчалик кучли ҳис қилаётганларини сўраб туришган. Тажрибанинг иккала босқичида ҳам иштирокчилар бир хил миқдорда егулик олишганига қарамасдан, иккинчи босқичда уларда очлик ҳисси кучлироқ бўлган. Олимларнинг айтишича, очлик ҳисси уйқудан бироз олдин кучайган. 

Олимлар тадқиқотни шу йўналишда давом эттирмоқчилар. "Келажакда биз овқатланиш, уйқу вақти ва жисмоний фаоллик ўртасидаги ўзаро алоқани батафсилроқ ўрганмоқчимиз", деб айтган олимлардан бири.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан