Қозоғистон парламенти Остона шаҳрини Нурсултонга ўзгартиришни тасдиқлади
20.03.2019 15:50,
5
Қозоғистон пойтахти Остона шаҳри номи Нурсултонга ўзгартирилди. Бу ҳақда РИА Новости хабар қилмоқда.
Хабарда қайд этилишича, Қозоғистон парламенти депутатлари икки ўқишда конституцияга пойтахт номини биринчи президент Нурсултон Назарбоев шарафига ўзгартириш тўғрисида қарор қабул қилишди.
“Тарихий қарор қабул қилинди”, - деди Қозоғистон парламенти депутати Нурлан Нигматулин.
Эслатиб ўтамиз, аввалроқ Қозоғистон президенти лавозимига киришган Қосим-Жомарт Токаев Қозоғистон пойтахти Остона шаҳри номини Нурсултонга ўзгартириш таклифини киритган эди.