Йил бошидан буён Ўзбекистон неча миллион долларлик қалампир сотгани маълум бўлди

04.04.2019 | Иқтисод | 4988

 Йил бошидан буён қалампир экспорти Ўзбекистонга 15 миллион доллардан ортиқ даромад келтирди, деб хабар қилмоқда давлат Статистика қўмитаси.

Январ-феврал ойиларида Ўзбекистондан қалампир экспорти 10,8 баравар ўсди. Бунинг натижасида қалампир экспорт қилинаётган озиқ-овқат маҳсулотлари орасида етакчи ўринга чиқди.

Ўзбекистондан экспорт қилинаётган озиқ-овқат маҳсулотларининг умумий ҳажми 175,3 минг тоннани, қиймати 86,4 миллион долларни ташкил қилди. Бу ўтган йилнинг шу даврига нисбатан 83,7 фоизга кўп дегани.

Келажакда ушбу рақамлар ўсишда давом этади, чунки февраль ойининг охирида Ўзбекистонда мева-сабзавотларни экспорт қилиш тартиби осонлаштирилган эди. Ўзбекистонда етиштирилган маҳсулотларнинг асосий харидорлари бу Қозоғистон (17,8 млн доллар), Қирғизистон (15,1 млн доллар) ва Россиядир (10 млн доллар).