Ўзбек ошпазлари Грозний марказида минглаб кишиларга ифторлик берди
1.06.2019 12:20,
22
Ўзбек палови дунёни забт этишни давом этмоқда: бу сафар ошпазлар Грозний шаҳридаги марказий майдон "Чеченистон юраги" масжиди рўпарасида минглаб кишилар учун берилган ифторликда палов тайёрладилар, деб хабар қилмоқда РИА Новости.
"Майдоннинг ўзида ошхоналар ҳозирланиб, улкан дошқозонлар ўрнатилди. Кавказ ва Осиё ошхоналари таомлари, десертлар тайёрланди", - деб хабар қилган нашр.
Йигирма минг киши учун паловни ўзбекистонлик ошпазлар тайёрлашган.
Масжид олдидаги майдонда одамлар ўтириб дам олишлари учун юзлаб метр гиламлар тўшалди, дастурхонлар ёзилди.