Ўзбекистон Меҳнат вазирлиги навбатдаги бор расмий баёнот тарқатиб, пахта теримида  мажбурий меҳнатдан фойдаланиш мамлакат қонунларига ва Халқаро Меҳнат Ташкилоти конвенциясига зид келишидан огоҳлантирди.

"Ўзбекистон Республикаси Халқаро Меҳнат Ташкилотининг "Мажбурий ёки бажарилиши шарт бўлган меҳнат тўғрисида" (№29) ва "Мажбурий меҳнатга барҳам бериш тўғрисида" (№105), "Ишга қабул қилишнинг минимал ёши тўғрисида" (№138) ва "Болалар меҳнатининг энг мудҳиш кўринишларига барҳам бериш ва тақиқлаш тўғрисида" (№182)ги конвенцияларда белгиланган меъёрларга асосан миллий қонунчиликда 18 ёшга етмаганларни мажбурий меҳнатга ҳамда соғлиққа зарар етказувчи ишларга жалб қилиш тақиқланади", — дейилади баёнотда.

Шунингдек, Меҳнат вазирлиги расмий сайтида жойлаштирилган плакатда ўқитувчилар ва тиббиёт ходимлари акс эттирилган. Плакатда ҳар бир шахс "Ҳар бир шахснинг меҳнат эркинлиги кафолатланади. Ҳуқуларинггиз бузилган тақдирда 1092 ёки 0 (371) 200-06-01 ишонч телефонларига мурожаат қилинг", дея таъкидланади вазирлик хабарида.