Тошкентдаги “Коҳ ота”, “Самарқанд дарвоза” ва “Хасти имом” маҳаллалари аҳолисига 360 та янги хонадон калитлари топширилди.
Бу ҳақда Тошкент шаҳар ҳокимлиги матбуот хизмати хабар қилди.
Шу вақтга қадар етарли шарт-шароитларга эга бўлмаган уйларда яшаган фуқаролар замонавий кўп қаватли уй-жойларга кўчирилди.
Аввалроқ Ўзбекистон президенти Шавкат Мирзиёев топшириғига асосан Тошкент шаҳрида 500 та уй эҳтиёжмандларга Рамазон Ҳайити туҳфаси сифатида текинга топширилгани хабар қилинган эди.