Беларусь президенти Александр Лукашенко 28 сентябрь куни Хитойга расмий ташрифни амалга оширади, дея хабар бермоқда "РИА Новости".
"Президент Александр Лукашенко 28-30 сентябрь кунларида Хитой халқ республикасига давлат ташрифи уюштиради", — дейилади маълумотда.
Мазкур ташриф дастурида ХХР раиси Си Жингпин билан учрашув белгиланган. Якунда сиёсий, иқтисодий ва ижтимоий соҳаларга оид 30га яқин халқаро ҳужжат имзоланиши назарда тутилган.
Бундан ташқари, Лукашенко Пекинда ХХР сиёсий доирасининг қатор вакиллари билан ҳам учрашади. Шундан сўнг у Пекин университетига ташриф буюради ва у ерда ОЎЮ раҳбарияти ва талабали билан суҳбат уюштиради.