Тошкент яқинида улкан ер кўчкиси содир бўлди
10.07.2019 10:14,
19
Тошкент вилоятида жойлашган Ангрен кўмир конида ҳажми 25 миллион метр куб бўлган ер кўчкиси содир бўлди, деб хабар қилмоқда Ўзбекистон Темир йўллари.
“8 июл куни соат 15:30 да Ангрен кўмир конининг шимолий томонида ҳажми 25 миллион метр куб бўлган ер кўчкиси содир бўлди”, - дейилган хабарда.
Кўчкиси содир бўлишининг асосий сабаби – апрел ойида ёғингарчилик миқдори бир неча йиллик нормадан ортиқ бўлиши туфайли, ер ости сувларининг даражаси кўтарилиб кетган. Натижада ер ости сув босими ортиб, қирғоқни ушлаб турган қум-тупроқ ерлар ювилиб кетган ва қирғоқ қулаб тушган – дейилган ЎТЙ хабарида.
Хабарда шунингдек, ушбу ер кўчкиси муҳандислик коммуникацияларига, автомобил йўллари, темирйўл ва Ангрен кўмир конига хавф туғдирмаётганини қайд этилган.