Ўзбекистоннинг Берлиндаги элчиси Набижон Қосимов Германия канцлери Ангела Меркель таклифига биноан «Мезеберг» қароргоҳида мамлакатда аккредитация қилинган дипломатик ваколатхоналар раҳбарлари учун уюштирилган расмий қабулда иштирок этди. Бу ҳақда ТИВ матбуот хизмати маълум қилди.
Қабул доирасида бўлиб ўтган қисқа суҳбатда Меркель Шавкат Мирзиёевнинг жорий йил январь ойида Германияга ва президент Франк-Вальтер Штайнмайернинг май ойида Ўзбекистонга ташрифини муваффақиятли ва самарали бўлганини қайд этди. Улар икки давлат ўртасидаги алоқаларни янада мустаҳкамлашда муҳим омил бўлишини таъкидлади.
Германия канцлери Ўзбекистон Президентига эҳтиромини билдириб, эзгу тилакларини етказишни сўради.