Украина ОАВларида президент Зеленскийнинг кортежи аварияга учрагани ҳақидаги хабарлар ва видеолар пайдо бўлди.
Ўтган дам олиш кунларида Украина президенти Запорожье вилоятига ташриф буюргани маълум. Сафардан қайтаётган президент автомобиллари автобус билан тўқнашган. ЙТҲда микроавтобус ва икки йўлтанламас автомобиллар жиддий зарар кўргани маълум.
ЙТҲнинг яна бир иштирокчиси –улкан йўловчи автобус эса йўл четига чиқиб, дарахт ва буталар орасига кириб кетган.
Хабарда айтилишига кўра, ЙТҲда ҳеч ким жабрланмаган. Зеленскийнинг ўзи ушбу кортежда бўлмаган. У Киевга самолётда қайтган экан.