Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Самарқандда вояга етмаган қизини зўрламоқчи бўлган эркакни хотини ўлдирди
25.07.2019 17:21,  
20

Жиноят ишлари бўйича Пахтачи туман суди ўз эрини калтаклаб, унинг ўлимига сабабчи бўлган аёлнинг ишини кўриб чиқди.

2019 йилнинг 26 январь куни соат тахминан 22:30 атрофида марҳум Э.Ў. маст ҳолатда турмуш ўртоғи Ў.Ў.ни ҳақоратлаб, уни яланғоч ҳолатда кўчага чиқишини ва вояга етмаган қизи билан жинсий алоқада бўлишини айтган. Бу гапларидан ғазабланган Ў.Ў. ушбу ноўрин қилмишлари учун турмуш ўртоғидан ўч олиш мақсадида уйда бўлган бўш ҳолдаги 0,7 литр ҳажмли ароқ шишаси билан Э.Ў.нинг боши ва юз қисмига бир неча маротаба ўта шафқацизлик билан қасддан урган. Зарб кучидан ерга йиқилган турмуш ўртоғининг кўкрак ва қорин соҳасига икки оёғи билан чиқиб, қорин ва кўкрак соҳасига икки оёғи билан бир неча маротаба сакраб, унга оғир тан жароҳати етказган. Турмуш ўртоғи яна жанжални давом эттиришининг олдини олиш мақсадида, унинг ўзида эмаслигидан фойдаланиб, уни гиламга ўраб уйидан кўчанинг бошигача судраб олиб чиқиб қўйган. Натижасида, Э.Ў. орадан тахминан 1–2 соат вақт ўтганидан кейин кўчада вафот этган.

Жиноят ишлари бўйича Пахтачи туман судининг «Жаҳонобод» маҳалла фуқаролар йиғини биносида бўлиб ўтган очиқ судида Ў.Ў.нинг жиноят иши кўриб чиқилди.

Суд мажлисида сўроқ қилинган судланувчи Ў.Ў. ўз кўргазмасида айбига тўлиқ иқрорлигини билдириб, 2012 йилдан бошлаб турмуш ўртоғи уйга ичиб келиб катта қизига тегажоқлик қиладиган одат чиқарганлигини, у уйда бўлганида қизини турмуш ўртоғининг қўлидан ажратиб олишлигини, у бўлмаганида эса қизи кўчага қочиб чиқишини билдирган. Бу азобларга чидолмасдан қизи Тошкент шаҳрига ишлаш учун қочиб кетган. Шундан сўнг ҳам турмуш ўртоғи Э.Ў. ичишни тўхтатмасдан унга ва болаларига азоб бераверган. 2018 йилнинг ноябрь ойида ишдан уйга келганида турмуш ўртоғи Э.Ў. ичиб келиб иккинчи қизини ураётганлигини кўрган. Уларни ажратиб олганлигидан сўнг қизи уйдан қочиб, ўз жонига қасд қилиш мақсадида ўзини «Нарпай» каналига ташлаган. Бироқ нотаниш кишилар қизни қутқариб қолган.

Жиноят ишлари бўйича Пахтачи туман судининг раиси А.Акрамовнинг «Дарё»га маълум қилишича, судланувчи Ў.Ў. Ўзбекистон Республикаси Жиноят Кодексининг 104-моддаси 3-қисми «д» банди (Қасддан баданга оғир шикаст етказиш жабрланувчининг ўлишига сабаб бўлиши) билан айбли деб топилиб, 4 йил муддатга озодликдан маҳрум қилиш жазоси тайинланган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан