Наманганда янги намунавий уй яшашга яроқсиз бўлиб чиқди
2.08.2019 11:37,
37
Истеъмолчилар ҳуқуқларини ҳимоя қилиш жамиятлари федерациясига Наманган вилояти Чортоқ туманида яшовчи Қосимов Азамат ёзма мурожаат этган.
Аризада маълум бўлишича, «Қишлоқ қурилиш инвест» МЧЖнинг 2018 йил 14 май кунги 11-сонли шартномасига асосан Чортоқ туман Дўстлик МФЙ ҳудудидаги уч қаватли намунавий уй жойидан бирини фуқаро Қосимов Азамат 120 млн сўм эвазига олган. Аммо уй шартномада белгиланган тартибда таъмирланмаганлиги сабабли муаммолар юзага келганлиги, юқори қаватдан сув ўтиб кетгани сабабли ёрдам сўраган.
Ушбу мурожаат ўрганилиб, Федерация аралашувидан кейин хонадоннинг таъмирталаб жойлари истеъмолчи истагига мувофиқ ва шартномада кўрсатилган ҳолатга келтирилди.