Сўмнинг қадри валюта биржасида бироз мустаҳкамланди
22.08.2019 15:39,
32
Ўзбекистон Республика валюта биржасида 22 август кунги савдолар натижасида сўм 1 АҚШ долларига нисбатан бироз мустаҳкамланди. Бундан валюта биржасидаги маълумотлар дарак беряпти.
Хусусан, 21 август кунги савдоларда 1 АҚШ доллари 9379 сўмдан сотилган бўлса, 22 августда бу кўрсаткич 1 АҚШ долларига 9371 сўмни ташкил этди.
Сўм сўнгги марта июль ойида мустаҳкамланганди, ўшанда 1 АҚШ доллари учун 8659 сўмдан сотилган, сўнг энг юқори кўрсаткичга кўтарилди ва 20 августда 1 АҚШ доллари учун 9384 сўмдан савдо қилинди.