Ҳабиб Порье билан жанг олдидан 6 кг вазн ташлаши керак
4.09.2019 15:07,
16
Енгил вазнда UFC чемпиони Ҳабиб Нурмагомедов америкалик Дастин Порье билан жанг олдидан ўтказиладиган расмий вазн ўлчаш маросимигача 6 кг вазн ташлаши керак.
Расмий вазн ўлчаш маросими 6 сентябрда бўлиб ўтади. Ҳабибнинг вазни 70 кг бўлиши керак.
"Ҳабиб кеча 76 кг чиқди. 4 та машғулот қолди. Уларнинг ҳар бирида Ҳабиб 1,5 кг вазн ташлайди", деди Ҳабибнинг мураббийи.
Дастин Порье билан жанг чемпион титулини ҳимоя қилиш бўйича иккинчи мусобақадир. Аввалги жангда Ҳабиб Конор Макгрегорни енгган эди.
30 ёшли Ҳабиб Нурмагомедов 27 жангдан барчасида ғалаба қозонган.