Бундан буён WhatsApp орқали тарқатилган барча турдаги хабарлар шифрланадиган бўлди. Бу ҳақда дастурнинг расмий блогида хабар берилган.
"Cиз юборган хабарни фақат йўлланган кишигина ўқий олади. Ундан бошқа ҳеч ким ўқий олмайди. Кибержиноятчилар, хакерлар, турли мустабид тузумлар ва ҳаттоки биз ҳам", — дейилган компания расмийлари тарқатган хабарда.
Хабарда айтилишича, бугунги кунда дунё бўйлаб бир миллиарддан зиёд одам WhatsApp'дан фойдаланади ва уларнинг ҳаммаси ўз дўстлари ва оила аъзолари билан хавфсиз суҳбатлашиши мумкин.