Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Корея парламенти президентни ҳокимиятдан четлаштирди
9.12.2016 15:10,  
5

Жанубий Корея парламенти президент Пак Кин Ҳени муддатидан аввал ваколатидан маҳрум қилиш бўйича импичментни маъқуллади, дея хабар бермоқда Ёнҳап агентлиги.

Мамлакат парламентида президентнинг истеъфоси масаласи бугун овозга қўйилди. Импичментни ёқлаб парламентдаги 299 нафар депутатдан 234 нафари овоз берган, 56 нафар депутат эса қаршилик билдирган. Иккита овоз бетарафликни қолган бўлса, яна 7 та овоз ҳисобга олинмаган. Қарор қабул қилиниши учун парламент аъзоларининг учдан икки қисми ёки 200 нафари уни ёқлаб овоз бериши лозим эди.

Истеъфога чиқарилган Пак Кин Ҳенинг вазифасини вақтинчалик бош вазир Ҳванг Кё Ан бажариб туради. Парламент қабул қилган қарор 180 кун ичида Конститустиявий судда кўриб чиқилади. Агар суд импичментни маъқулласа, Пак Кин Ҳе Жанубий Кореянинг импичмент орқали лавозимидан четлаштирилган илк президентига айланади. 2004 йилда Конститусиявий суд Ро Му Ҳённинг импичментини рад этган эди.

Жанубий Кореяда сиёсий инқироз октябр ойининг охирги ҳафтасида президентнинг дугонаси Чой Сун Шилнинг компютеридан давлат ҳужжатлари топилиши ортидан бошланган эди. Чой Сун Шилга нисбатан дугонасиниг ваколатидан фойдаланиш, давлат ишларига аралашиш ва молиявий фирибгарлик бўйича айблов эълон қилинган.

Сўнгги олти ҳафта давомида Жанубий Корея бўйлаб президентнинг истеъфосини талаб қилган норозилик намойишлари бўлиб ўтган. Охирги намойишлар мамлакат тарихидаги энг йириги бўлгани хабар қилинган.

Импичмент лойиҳаси кеча парламентда мухолиф партиялар томонидан муҳокамага қўйилган эди. Парламентда кўпчиликни ташкил этадиган, президент бошчлигидаги Сенури партияси аъзоларининг аксарияти ҳам Пак Кин Ҳенинг истеъфосини ёқлаб овоз беришган. Импичмент қарорида Пак Кин Ҳенинг мамлакат конституциясини қўпол равишда бузгани қайд этилган.

Жанубий Корея президентлиги учун навбадаги сайловлар 2017 йилнинг декабрьида бўлиб ўтиши лозим эди. Конституциявий суд импичментни тасдиқласа, 60 кун ичида янги президентлик сайловлари ўтказилади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан