Reuters агентлиги тарқатган хабарга кўра, Доналд Трамп маъмурияти “Вайронкор экстремизмга қарши кураш” дастурини “Ислом экстремизмига қарши” кураш дея қайта ишлаш масаласини кўриб чиқмоқда.
Мазкур дастур АҚШ ҳукумати томонидан барча вайронкор мафкураларга қарши курашиш учун ташкил этилган эди. Дастур Google ва Facebook билан ҳамкорликда ишлар, интернет тармоғида мамлакат хавфсизлигига рахна солишга қаратилган хабарларни ўрганиш ва ҳужумларни олдиндан бартараф этишга қаратилган.
Трамп ҳукумати тайёрлаётган ўзгаришга кўра, эндиликда янги дастур бор эътиборини “Ислом экстремизмига қарши курашиш”га қаратади ҳамда АҚШда портлашлар ва отишмалар уюштириб турадиган мусулмон бўлмаган террорчиларга қарши кураш билан шуғулланмайди.
“Вайронкор экстремизга қарши кураш” дастури кўпдан бери хавфсизликни таъминлашда самарасиз дея танқид қилинар эди. Дастурнинг асосий мақсади қилиб муайян диний эътиқоднинг кўрсатилиши мамлакат мусулмонлари орасида ҳукуматга бўлган ишончнинг янада камайишига сабаб бўлиши мумкин.