Куннинг муҳим ва қизиқарли хабарлари «Sof.Uz»нинг кечки дайжестида:
1. Мирзиёев тадбиркорларга давлат хизматларини кўрсатиш бўйича янги қарорни имзолади. Ўзбекистон Республикаси Президентининг "Тадбиркорлик субъектларига давлат хизматларини кўрсатиш механизмларини такомиллаштиришга доир қўшимча чора-тадбирлар тўғрисида"ги қарори эълон қилинди.
2. Тошкентда чақалоқларга энг кўп қўйилган исмлар маълум бўлди. Расмий статистикага кўра, 2016 йилда Ўзбекистон пойтахтида Ислом, Софья, Имрон, Имона ва Фарзона исмлари энг кўп қўйилган исмлар бўлди.
3. Москвадаги даҳшатли ЙТҲда Ўзбекистон фуқаролари ҳалок бўлди. Янги Москвада юз берган йирик автоҳалокатда уч нафар Ўзбекистон ва бир нафар Тожикистон фуқароси ҳалок бўлган, қолган қурбонларнинг шахси аниқланмоқд.
4. Самарқандда йўлни тўсиб қўйишда ким айбдор? ҳоким, прокурор ёки ЙХҲБ бошлиғи? Самарқандда шаҳар прокуратураси ёнидаги Темур Малик кўчасининг бир қисмини металл тўсиқлар ёрдамида ёпиб қўйишди.
5. Ўзбекистон Миллий телерадиокомпаниясига янги раҳбар тайинланди. Президент Шавкат Мирзиёев Ўзбекистон Миллий телерадиокомпанияси раиси этиб Мирзоҳидов Хуршид Мирсобирович тайинланди.
6. Феврал ойидан бошлаб пенсия тўловлари фақат нақд пул кўринишида амалга оширилади. Бу ҳақда Ўзбекистон Президенти Шавкат Мирзиёевнинг 2 февралда эълон қилинган қарорида маълум қилинган.
7. Яна бир вазирликка янги раҳбар тайинланди. Ўзбекистон Президенти Шавкат Мирзиёевнинг 2 февралдаги фармонига биноан Шерзод Шерматов ахборот технологиялари ва коммуникацияларини ривожлантириш вазири вазифасини бажарувчи этиб тайинланди.