Куннинг муҳим ва қизиқарли хабарлари «Sof.Uz»нинг кечки дайжестида:
1. Ўзбекистонда ер қимирлади. “Тошкент” марказий сейсмостанцияси маълумотига кўра, 2017 йил 2 февраль куни Тошкент вақти билан соат 23:35 да Жиззах шаҳрида 2 балл, Самарқанд шаҳрида 2 балли ер силкиниши қайд қилинди.
2. Хоразмда оддий автомобиллар электромобилга айлантириляптими? Сўнгги кунларда Телеграм мессенжерида Spark автомобилини ўзгартириб электромобилга айлантираётган хоразмлик автоуста билан суҳбат тарқалди.
3. Шавкат Мирзиёев Тошкентда янги йўл ўтказгич қурилиши билан танишди. Давлатимиз раҳбари пойтахтимизнинг Чилонзор туманидаги Бунёдкор ва Муқимий кўчалари кесишган жойда қурилаётган йўл ўтказгич билан танишди.
4. 2017 йилда жисмоний шахслар учун белгиланган солиқлар бўйича қандай ўзгаришлар киритилди. Ўзбекистон Республикасининг 2016 йил 27 декабрдаги «Солиқ ва бюджет сиёсатининг 2017 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонуни билан айрим қонун ҳужжатлари ва Ўзбекистон Республикасининг Солиқ кодексига ўзгартириш ва қўшимчалар киритилди.
5. Путин Донбассдаги вазиятнинг кескинлашувини Трамп билан билан боғлади. Россия президенти Владимир Путиннинг маълум қилишича, Донбассдаги низо кескинлашуви Украина раҳбариятининг АҚШ янги президенти маъмурияти билан муносабатлар ўрнатиш истаги билан боғлиқ.
6. Шавкат Мирзиёев пойтахтнинг барча туманларида кичик саноат зоналари ташкил этишни таклиф қилди. Шавкат Мирзиёев 3 февраль куни пойтахтимизда амалга оширилаётган бунёдкорлик ва ободонлаштириш ишлари билан танишиш асносида Яккасарой туманидаги “Яккасарой кичик саноат зонаси” давлат унитар корхонасига ташриф буюрди.
7. Шавкат Мирзиёев: “Шеъриятга ошно бўлган инсон асло кам бўлмайди”. Шавкат Мирзиёев Алишер Навоий номидаги Ўзбекистон Миллий боғидаги Шоирлар хиёбонида бир гуруҳ адиблар билан учрашди