Нидерландияликларнинг ярмидан кўпи Евроиттифоқдан чиқишни истайди

04.03.2017 | Жаҳон | 535

Нидерландияликларнинг ярмидан кўпроғи ўз мамлакатини Евроиттифоқ таркибида кўришни истамайди ва Европа мамлакатлари билан бошқача савдо шартномаларини тузиш тарафдоридир. Британиянинг Bruges Group тадқиқот маркази ўтказган сўровнома натижаси шундан далолат беради.

Сўралганларнинг 39 фоизи Нидерландия ЕИга аъзолигининг тарафдоридир. Иттифоқдан ажралиб чиқиш ва ягона Европа бозорида иштирок этишни 23 фоиз респондент маъқуллади. 27 фоиз фуқаро эса “Нексит” ғояси ва эркин савдо юритишни маъқуллади. Сўралганларнинг 11 фоизи аниқ жавоб бергани йўқ. Сўровнома натижасида мамлакатнинг 56 фоиз фуқароси Евроиттифоқдан чиқиш тарафдори эканлиги аниқланди.

Нидерландияда парламент сайловлари 15 март куни ўтказилади. Кўп сонли таҳлилчилар ва ОАВ “Озодлик партияси”нинг ғалабасини башорат қилмоқда. Унинг етакчиси Герт Вилдерсни “голланд Трампи” деб аташади. Сиёсатдон кўп марта евродан воз кечиб гулденга қайтишга чақирган.