Ўзбекистоннинг турли ҳудудларидаги 41 та бозор ва савдо шахобчаларида сотилаётган маҳсулотларнинг 34 турдаги 2779 та маҳсулотлардан 2013 таси яъни 72,4 фоизи сертификатсиз, сифати кафолатланмаган ҳолда истеъмолчиларга сотилаётган ҳолати аниқланди. Бу ҳақда “Ўзстандарт” агентлиги хабар қилади.
Маълум бўлишича, ушбу маҳсулотларнинг аксарияти Хитой давлатида ишлаб чиқарилган.
“Ўзстандарт” агентлиги ўз хабарида истеъмолчиларни огоҳликка чақиради ва бирор бир маҳсулотни харид қилаётганда албатта унинг сертификатини сўрашни лозимлигини эслатади.