Ташқи меҳнат миграцияси масалалари агентлиги Жанубий Кореяда ишлаш истагида бўлган Ўзбекистон фуқароларини рўйхатга олиш бўйича март ойи охири ва апрель ойи бошида ўтказилган тадбир натижаларини бекор қилди. Бу ҳақда агентликнинг Facebook’даги саҳифасида ахборот берилган.

Сизга маълумки, Ташқи меҳнат миграцияси масаллари агентлиги 2017 йилнинг 27-28-29-30 март кунлари ва 1-3 апрель кунларида Корея Республикасида меҳнат фаолиятини амалга оширишни истовчи фуқароларни рўйхатга олиш ва анкета тўлдириш жараёнини ўтказган эди. 

Ташқи меҳнат миграцияси масалалари агентлиги шуни маълум қиладики, мазкур рўйхатга олиш жараёнида юз берган жиддий техник узилишлар, Кореяда меҳнат фаолияти юритишни истовчи талабгорлар билимини синаш жараёни қатнашчилар орасида кўплаб англашилмовчиликлар ва норозиликларига сабаб бўлганлиги туфайли рўйхатга олиш натижалари бекор қилинади.

Корея Республикасида меҳнат фаолиятини амалга оширишни истовчи фуқароларни рўйхатга олиш ва анкета тўлдириш жараёни қайтадан янада юқори техник имкониятлар ва киберҳужумлардан муҳофаза этилган ҳолда, янгича мукаммаллаштирилган тартибда қайтадан ўтказилади.

Рўйхатга олиш санаси ва тартиби ҳақида қўшимча маълумот берилади", дейилган эълонда.