Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Шанхай автосалони автомобилларининг янги тенденциялари: салондаги дисплей, кўк рангли машиналар ва ғалати концепт-карлар
28.04.2017 10:10,  
23

Шанхай автосалонида бир қанча тенденциялар кўзга ташланди. Мазкур мақоламизда учта янгича технологик тенденцияга назар ташлаймиз.

1. Салондаги каттакон дисплейлар

Тик ҳолатдаги катта дисплей, энг аввало, Tesla Model S салонида пайдо бўлди. Кейин эса “Волво”нинг XC90 ва S90 русумларига кириб борди. Бироқ жаҳон автомобилсозлик компанияларининг аксарияти дисплей ўлчамини озми-кўпми катталаштираётган бўлса-да, жуда катта диагоналли экран ўрнатишга шошилмаяпти. Сабаби кўп: компонентлар нархи, харидорларнинг эскисига ўрганиб қолганлиги, фойдаланиш қулайлигига ишончсизлик ва ҳоказо. Аммо Хитой брендлари, ҳаттоки, арзон седан ва кроссоверларга ҳам каттакон тик экран ўрнатмоқда.

Хитойликлар, асосан, Volvoдан кўчирмоқда. Tesla Model 3 услубида экран ўрнатганлари ҳам учрайди. Хитойлик машинасозлар диагонали 9 дюймдан кичик экран ўрнатмаяпти.

2. Кўк ранг электромобилнинг аломати

Автомобиллар оламининг ўзига хос қоидалари бор. Қизил ранг спортча автомобилнинг, яшил ранг экологик русумнинг белгиси. Кўк ранг эса электромобилнинг белгисига айланмоқда. Эмблемаси, панжараси, фаралар блоки ва интерьер деталлари алоҳида ранг билан ажратилади. Mercedes-Benz, Volkswagen, Nissan ва бошқа автомобилсозлик компаниялари гибрид ва электромобиль ишлаб чиқаришда бу ёзилмаган қоидага амал қилиб келмоқда. Аммо хитойликлар бу анъанани ҳам ошириб-тошириб ўзлаштирди.

Расмда шаҳар автомобилининг баъзи жойлари кўк ранг билан бежалганини кўрамиз. Батареяси бортида бўлган автомобиль қанчалик ғалати кўринса, яққол кўк туси янада уни ажратиб кўрсатади. Хитойда автомобиллар электрлашувини қонун ҳам инфраструктура ҳам рағбатлантиради. Хитойликлар эса турли гаджет ва машиналарни севади. Шунинг учун хитойликнинг ўз автомобили барчаникидан ажралиб туриш хоҳишини тушунса бўлади. Бу истакни яхши фаҳмлаган автомобилсозлар мижознинг эҳтиёжига мослашиш учун бор ғайратини сарфлайди.

3. Бемаъни концепт-карлар ўтмишда қолди

Хитойнинг 5-6 йил олдинги концепт-карлари қанақа бўлганини биласизми? Улар сирти қийшайган, панеллари орасидаги тирқиши кенг, олақуроқ рангли луноходларга ўхшарди. Шунинг учун шоукар мотивида тайёрланган серияли машиналар ҳам бадбашара чиққан. Бугун у авлод автомобиллари деярли қолмади. Ҳозирги Хитой автомобилларини ҳам бекаму кўст деб аташ қийин, аммо кундан кунга сараланиб оламшумул брендларга бўйлашиб бормоқда.

Шанхайнинг бу йилги концептларига боқиб, деярли барча компаниялари материал билан ишлашни ўрганиб олганини, Европа ва АҚШ компанияларидан иқтидорли дизайнерлар ёллашнинг уддасидан чиққанини сезиш қийинмас. Концептлар қиёмига етказиб ишланган бўлиб, Audi, Ford ёки Lexusлардан қолишмайди. Хитойда автомобилсозлик саноати янги чўққини забт этаётибди.

манба: carzone.uz

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан