Forbes нашри 2017 йилда сайёрамизда 2043 нафар миллиардер яшашини ёзди. Ўтган йили уларнинг сони 1810 нафар эди. Дунё миллиардерлари бойлигининг умумий миқдори 6,5 трлн доллардан 7,7 трлн долларга, ҳар бирининг ўртача бойлиги эса 3,6 млрд доллардан 3,8 млрд долларгача ошди.
Форбс маълумотига қараганда энг кўп миллиардерлар АҚШда истиқомат қилади (565 нафар). Хитойда 319, Германияда эса 114 нафар миллиардер яшайди. Шунингдек, Ҳиндистонда ҳам 114 нафар, Россияда 96 нафар миллиардер истиқомат қилмоқда.
АҚШ миллиардерлар сони бўйича ҳам, уларнинг умумий маблағи миқдори бўйича ҳам рўйхатда етакчидир.