РФ таълим вазирлиги янги буйруқ лойиҳасини тайёрлашга киришди. Унда илмий мутахассисликлар номенклатурасига ўзгариш киритиш кўзда тутилган. Федерал порталга жойланган ҳужжатга мувофиқ РФда илоҳиёт фанлари доктори ва номзоди илмий унвони берила бошлайди.
Илмий ихтисосликлар номенклатурасидаги изоҳ хатида қайд этилишича “Илоҳиёт” даражаси 2015 йилда киритилган. Аммо ушбу ихтисослик доирасида илмий иш ёқлаганларга фалсафа, тарих, филология, педагогика, жамиятшунослик ва маданиятшунослик доктори ёки номзоди даражаси берилган. Киритилган ўзгаришга мувофиқ энди тадқиқотчилар илоҳиётчилик номзоди ва доктори даражасини олиши мумкин.
2016 йилда РФда биринчи марта илоҳиётчилик бўйича дисссертация кенгаши ташкил этилган. Май ойининг охирида олий мартабали поп Павел Хондзинский илоҳиётчилик йўналиши бўйича илмий иш ёқлайди.