Туркия давлати Ўзбекистоннинг истеъдодли ёшлари учун дунёдаги нуфузли олийгоҳлар қаторида бўлган Туркия олийгоҳларида грант имтиёзи билан ўқишни ўтган йилларга нисбатан бу йил 2 баробарга оширди.
Бу грант қуйидагиларни ўз ичига олади: туркча тил ўқув курси, таълим тўловлари, тураржой, ойлик стипендиялар, соғлиқ суғуртаси ва самолёт билетлари.
2020 Туркия стипендиялари учун қабуллар 2020 йил 20 февралгача www.turkiyeburslari.gov.tr сайти орқали онлайн тарзда қабул қилинади.
Аризалар бакалавриат, магистратура ва докторантура учун қабул қилинади.
Мурожаат этувчилар барча сўралган маълумотларни онлайн тарзда юклашлари керак. Шахсий равишда ёки почта орқали юборилган аризалар қабул қилинмайди.
Онлайн мурожаат тизими 8 тилда (турк, араб, инглиз, француз, рус, бошноқ, форс, испан) ишлайди.