16 мартда пойтахтнинг учта туманидаги барча мактаблар онлайн режимга ўтказилади. Бу ҳақида ССВ матбуот котиби маълум қилди.

Тошкент шаҳрида коронавирус инфекцияси янги штаммлари кенг тарқалишини олдини олиш бўйича Тошкент шаҳар штабининг йиғилишида пойтахтнинг Юнусобод, Мирзо Улуғбек ва Чилонзор туманларидаги барча умутаълим мактабларида 16 мартдан бошлаб ўқув режасида белгиланган таътилга қадар онлайн ўқитиш режимига ўтиш белгилаб берилди.

Ушбу туманларда фаолият олиб бораётган нодавлат ва хусусий таълим ташкилотларига ҳам 16 мартдан бошлаб ўқув режасида белгиланган таътилга қадар онлайн ўқитиш режимига ўтиш тавсия қилинди.