2020 йилнинг дастлабки олти ойи мамлакатда метеорологик кузатувлар тарихидаги энг иссиқ мавсум бўлди. Бу ҳақда Россия Гидрометеорология марказининг бошлиғи Роман Вилфанд маълум қилди.
"Таъкидланишича, Россияда 2020 йилнинг олти ойи давомида ўртача ҳарорат 1891 йилдан бери инструментал кузатувларнинг бутун даври учун, 130 йил давомидаги метеорологик йилларнинг энг юқори кўрсаткич бўлди", - деди Вилфанд.
Унинг сўзларига кўра, жорий йилнинг қиш ойларида ҳаво ҳарорати ўртача даражадан 10-11 даражага ошган.
Вилфанднинг қўшимча қилишича, ўтган июн ҳам мамлакат пойтахтидаги ўлчовлар тарихидаги энг иссиқ ой бўлиши мумкин.
Шунингдек, Ер юзининг бошқа нуқталарида ҳам аномал об-ҳаво кузатилди. Ҳозирда Японияда кучли ёғингарчилик туфайли бир неча юз минг киши яшаб турган жойларидан эвакуация қилинди.