Ўзбекистон Республикаси Президентининг 2020 йил 5 октябрдаги ПФ-6079-сон “Рақамли Ўзбекистон-2020” стратегиясини тасдиқлаш ва уни самарали амалга ошириш чора-тадбирлари тўғрисида”ги Фармони ҳамда Вазирлар Маҳкамасининг 2020 йил 8 июлдаги “Маъмурий ҳуқуқбузарликлар тўғрисидаги ишларни юритишнинг электрон тизимини жорий этиш бўйича қўшимча чора-тадбирлар ҳақида”ги қарори ижроси юзасидан маъмурий ҳуқуқбузарликлар тўғрисида ягона электрон иш юритувига мувофиқ “Е-маъмурий иш” ягона ахборот тизимини ишга тушириш ва бунда ҳуқуқбузарга тайинланган жаримани “Электрон ҳуқумат”нинг ягона биллинг тизими орқали масофавий тўлаш имкониятини яратиш мақсадида жорий йилнинг 14-16 август кунлари тизимларни ўзаро интеграция қилиш ишлари олиб борилади.
Ушбу техник ишларни амалга ошириш вақтида Ички ишлар вазирлиги Давлат йўл ҳаракати хавфсизлиги тизимида мавжуд бўлган маъмурий ҳуқуқбузарлик содир этган шахслар тўғрисида “Маъмурий амалиёт” комплекс автоматлаштирилган ахборот тизими ишлаши тўхтатилади.