Дунё бўйича коронавирус инфекцияси билан касалланганлар сони 400 минг кишига етди. Бу ҳақда вирус тарқалиши ҳақида реал вақт режимида маълумот берувчи Жон Хопкинс университети хабар бермоқда.
Ҳозир дунёда 407 мингта коронавирус инфекцияси мавжуд. 104 минг нафар бемор тўлиқ тузалди, 18 минг киши вафот этди.
Жонс Хопкинс университети маълумотларига кўра, коронавирус 6 март куни 100 минглик, 18 март куни 200 минглик ҳамда 21 март куни 300 минглик "маррани кесиб ўтди".
Жаҳон соғлиқни сақлаш ташкилоти (ЖССТ) коронавирус пандемиясининг тезлашиши ҳақида огоҳлантирмоқда.
Ўзбекистонда ушбу вирусни юқтириб олганлар сони 55 нафарга етди. Улардан тўрт нафарининг аҳволи оғир.