Нигерияда 68 ёшли Маргарит Аденуга тўртинчи бор амалга оширган сунъий уруғлантиришдан кейин эгизак фарзандларини дунёга келтирди.
Аёлнинг 77 ёшли эри Ноҳ Аденуга «1974 йилда турмуш қурганмиз. Жуда ҳам кўп синовларни бошимиздан кечирдик, лекин фарзандли бўлиш орзумиздан ҳеч қачон воз кечмадик. Ниҳоят фарзандлик бўлдик», дея ўз севинчини ифода қилди.
Кесирча йўли орқали туғруқни амалга оширган доктор Адееми Окуново, бу ёшда ҳомиладорлик жуда ҳам хавфли эканлигини эслатиб ўтган.