Италия чемпионатининг 21-туридан ўрин олган марказий баҳсда «Ювентус» Римда «Рома» устидан иродали ғалабани қўлга киритди.
1:3 ҳисобида ортда қолаётган меҳмонлар 7 дақиқа ичида 3та гол уриб, камбэк қайд этишди. Мезбонлар сўнгги дақиқаларда ҳисобни тенглаштириши мумкин эди, аммо Пеллегринининг пенальтидан тепган тўпини Шченсни бартараф этди.
Римликлар сафида ўзбекистонлик форвард Элдор Шомуродов 71-дақиқада захирадан майдонга тушди.
«Ювентус» очколарини 38тага етказиб, 5-ўринни мустаҳкамлаб олди. «Рома» 32 очко билан 8-ўринда қолди.
Шунингдек, тур доирасида Шевченко бошқарувидаги «Женоа» (12, 19-ўрин) ўз уйида «Специя»га (19, 16-ўрин) имкониятни бой берди.
А Серия. 21-тур. 9 январь
Рома — Ювентус 3:4
Голлар: Абраҳам (11), Мхитарян (48), Пеллегрини (53) — Дибала (18), Локателли (70), Кулусевски (74), Де Шильо (77).
Амалга оширилмаган пенальти: Пеллегрини (82).