Куч ишлатар бўлималари томондан ўтказилган иккинчи амалиёт давомида Қирғизистон собиқ президенти Алмазбек Атамбаев қўлга олинди, деб хабар қилди Sputnik.
Атамбаев конвой кузатуви остида Бишкек томон олиб борилмоқда.
Бугун кучишлатар бўлинмалари томонидан собиқ президентни қўлга олиш бўйича иккинчи амалиётни ўтказмоқда.
“Ҳуқуқ-тартибот орган ходимлари кўзни ёшлантирувчи газ ва шовқинли гранаталарни қўлламоқда. Атамбаев дарвозасини ҳимоя қилган одамлар қочиб кетди. Юк машина ёрдамида дарвоза бузилди. Атамбаевнинг уйидан ўқ отилмоқда”, - деб таъкидлади ҳуқуқтартибот органларидаги манба.
Куни кеча, 7 август куни Қўй-Тош қишлоғида Давлат миллий хавфсизлик хизмати кучишлатар бўлинмаси Атамбаевни қўлга олиш амалиётини ўтказишга ҳаракат қилди. Сўнгги маълумотларга кўра, 52 киши жароҳат олди, бир нафар кучишлатар бўлинма ҳарбийси ҳалок бўлди.
Бугун, 8 август, тахминан соат 16:30 Қўй-Тош қишлоғида милиция ва муҳолифатчилар ўртасида тўқнашув бошланди.