АҚШда коронавирусдан вафот этганлар сони 40 минг кишига етди
20.04.2020 07:37,
225
Америка Қўшма Штатларида коронавирусдан вафот этганлар сони 40 минг кишига етди. Жон Хопкинс университети маълумотлари бундан дарак бермоқда.
Умумий тарзда 742 минг кишида Covid-19 коронавируси тасдиқланган. Ҳали ҳам энг қийин вазият Ню-Ёрк штатида кузатиляпти. У ерда 250 мингдан ортиқ киши коронавирусни юқтириб олган ва улардан 17 минги вафот этган.
Шу билан бирга штат губернатори Эндрю Куомо бугун касалхонага ётқизилганлар сони кечагидан камроқ эканлигини таъкидлади.
Бутун дунё бўйлаб коронавирус юқтириб олганлар сони 2,37 миллионни ташкил этмоқда. Улардан 168 минги вафот этган.