Бугун 16 апрел куни қатор банкларда жисмоний шахсларга хорижий валюталар сотиш юзасидан муаммолар бўлаётган хусусида хабар тарқалди.
Марказий банк матбуот котиби Акмал Назаровга кўра, валюта сотиш бўйича дастурда техник носозлик бўлгани учун жараённи амалга ошириш имкони бўлмаяпти.
«Марказий банкдан тижорат банкларига хорижий валютани сотмаслик бўйича топшириқ берилмаган. Бу куннинг маълум бир вақтида рўй бермоқда, кун давомидаги ҳолат эмас. Муаммо тез орада бартараф этилади», — дейди Назаров.