«Жорий йилда спорт мусобақалари сонини ошириш мақсадида давлат бюджетидан 100 млрд сўм миқдорида маблағ ажратилади. Ҳозирда спорт билан доимий шуғулланиш кўрсаткичи 19% бўлиб, 2021 йил якунигача бу кўрсаткич 25%га етказилади. Турли ёшдаги ёшларни қамраб оладиган футбол бўйича «Чарм тўп», «Бош вазир кубоги» ўтказилади. Келгуси йилда 916 км «Саломатлик йўлаклари» барпо этилади. Маҳаллаларда 500 га яқин стритбол майдони, 355 та бадминтон майдони, қўшимча равишда 420 та мини футбол майдони, 350 та кўчада воркаут майдончаси қурилади. 70 та жисмоний тарбия ва спорт муассасаси, 16 мингга яқин боғча ва 10 000 та мактаб жами 120 млрд сўмлик бирламчи спорт жиҳозлари билан таъминланади». Бу ҳақида АОКАдаги брифингда Бош вазир ўринбосари Азиз Абдуҳакимов маълум қилди.