«Барселона» Роналду учун «Ювентус»га икки футболчисини беришга тайёр
23.06.2021 15:53,
295
«Барселона» клуби Криштиану Роналду учун «Ювентус»га икки нафар футболчисини беришга тайёр, дея хабар бермоқда AS.
Манбанинг ёзишича, Каталония клуби португалиялик 36 ёшли ҳужумчи учун Турин клубига Антуан Гризманн, Серхи Роберто ва Филиппе Коутиньо сингари ўйинчилардан икки нафарини беришга тайёр.
Аввалроқ, «Барса» президенти Жоан Лапорта Месси билан бирга Роналдуни ҳам ўз жамоасида кўрмоқчи экани ҳақида хабар берилганди.
Маълумот учун, Криштианунинг «Ювентус» билан амалдаги шартномаси 2022 йилда якунига етади. Португалиялик форвард якунланган мавсумда 29та голга муаллифлик қилиб, А Сериянинг энг яхши тўпурарига айланганди.