Кеча 9 январь куни Саудия Арабистонидаги "King Abdullah Sports City” стадионида Испания Суперкубоги иккинчи ярим финали ўйини бўлиб ўтди.

Ўйинда “Барселона” Мадриднинг “Атлетико” жамоасидан аламли тарзда мағлубиятга учради. Учрашувда 3:2 ҳисобида ғалаба қозонган Атлетико иккинчи финалчига айланди.

Қизиқарли кечган ўйин давомида Барселона'нинг иккита голи VR тизими хулосасига кўра ҳисобга олинмади. Барселонадан голларни Месси (51) ва Гризманн (62) урган бўлса, “Атлетико” Коке (46), Мората (81, пенальти) ва Корреанинг (86) голлари билан жавоб берди.

Шундай қилиб, 12 январь куни ўтадиган финал баҳсида “Мадрид дербиси” кузатилади.

Эслатиб ўтамиз, 8 январь куни бўлиб ўтган дастлабки ярим финалда “Реал” “Валенция”дан 3:1 ҳисобида устун келган эди.

Ўша ўйиннинг 15-дақиқасида “Реал” жамоаси ўйинчиси Тони Кроос бурчак тўпини супер тарзда голга айлантира олганди.