Супер ўрта (76,2 кг) вазн тоифасида профессионал бокс фаолиятини давом эттираётган ҳамюртимиз Бектемир Мелиқўзиев навбатдаги жангини ғалаба билан якунлади.
Лас-Вегасдаги MGM Grand аренасида АҚШлик Клэй Коллардга қарши кечган жангда Бектемир Мелиқўзиев муддатидан аввал рақибини мағлуб этди.
Мелиқўзиев 8 раундга мўлжалланган жангнинг тўртинчи раундида рақибини нокдаун ҳолатига туширди, сўнг унга кучли зарба бериб рингга қулатди.