Бектемир тумани аҳоли бандлигига кўмаклашиш маркази директори ушланди
24.11.2020 11:28,
418
Бош прокуратура ҳузуридаги Департамент томонидан тезкор тадбир ўтказилди. Бу ҳақда маҳкама Жамоатчилик билан алоқалар ва ҳуқуқий ахборот бўлими хабар бермоқда.
Тадбир давомида Бектемир туман аҳоли бандлигига кўмаклашиш маркази директори М.А. фуқаро Ш.А.нинг турмуш ўртоғини юқори лавозимдаги танишлари орқали Тошкент шаҳридаги туғруқ комплексларидан бирига раҳбар лавозимига тайинлаш эвазига фирибгарлик йўли билан 30 000 АҚШ доллари талаб қилиб, шундан 10 000 АҚШ долларини олган вақтида ашёвий далил билан ушланган.
Мазкур ҳолат юзасидан М.А.га нисбатан Жиноят кодексининг 168-моддаси 3-қисми ва 28, 211-моддаси билан жиноят иши қўзғатилиб, тергов ҳаракатлари ўтказилмоқда.