Белоруснинг асосий мухолифат Телеграм канали Nexta (2 миллионга яқин обуначига эга) асосчисига қарши жиноий иш қўзғатилди. Бу ҳақда каналнинг ўзида хабар берилди.
Каналда 14 август куни чиққан Белорус Жиноят кодексининг 293-моддаси (тартибсизликлар) бўйича 1998 йилда туғилган Степан Путилони қидириш тўғрисидаги қарор эълон қилинди. Қарор республика Криминал полициясининг Жиноят қидирув бошқармаси бош бошқармаси бошлиғи полковник Максим Свирид томонидан имзоланган.
"NEXTA каналлари асосчисига қарши жиноий иш қўзғатилди - 15 йилгача қамоқ жазоси. Агар сиз кўчада полковник Свирид билан учрашсангиз - унга биздан салом айтинг!" - деб ёзади канал.
Nexta Live канали ("нехта" - беларус тилида "кимдир" деган маънони англатади) худди шу номдаги YouTube блоги асосида яратилган. У 2015 йилда 17 ёшли мактаб ўқувчиси Степан Путило томонидан бошланган: "Лукашенко Белорусидаги барча ахлатларни йиғиш истаги бор". "Нехта" бу блогернинг онлайн тахаллусларидан биридир.
Nexta Live канали 9 августдаги президентлик сайловларидан сўнг обунчалилари сонини каррасига оширди.
Tgstat сайти маълумотларига кўра, 9 август куни канални 428 минг одам кузатар эди. Бугунги кунга келиб обуначилари сони 2 миллионга яқин (1 955 283). Канал ҳар куни 100 дан ортиқ пост қўймоқда ва ҳар бир постининг қамров кўлами 527 минг кишини ташкил қилади.