Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Бу ҳафта об-ҳаво қандай бўлади?
2.03.2020 15:42,  
784

Бугун мамлакатимизнинг барча ҳудудида об-ҳаво баҳорий — илиқ ва қуёшли бўлади. Туркманистон ҳудудидан кирган ҳаво оқими ҳароратнинг кўтарилишига олиб келади, кундузи ҳарорат 20-25 даража илиқ, бу меъёрий қийматлардан 9-11 даражага юқоридир.

Ўзгидрометнинг хабар беришича, яқин икки кун давомида республика ҳудудига Каспий денгизи жанубий туманларидан ҳаракат қилаётган булутлар ҳисобига ҳарорат бир оз пасаяди.

Мамлакатимиз бўйича ёғингарчиликсиз об-ҳаво сақланиб туради, фақат 4 мартда Қашқадарё, Сурхондарё вилоятлари, кечга бориб эса Самарқанд вилоятида ёмғир ёғиши мумкин. 3-4 мартда республика бўйича шамолнинг тезлиги секундига 15-20 метргача кучайиши кутилмоқда.

5 мартда Каспий денгизи шимолий ҳудудидан мамлакатимизга нам ва салқин ҳаво оқимининг кириши кутилмоқда, бу ҳаво ўзи билан ёмғир ва салқин олиб келади.

Фақат республиканинг шимоли-ғарбий туманларида ёғингарчилик бўлмайди. Ҳарорат кечаси 2-7 даража илиқ, кундузи 7-12 даража илиқ атрофида бўлади.

Иш ҳафтасининг охирида ёғингарчилик бўлиши кутилмаяпти, совуқ ва нам ҳаво оқими таъсирида ҳарорат кечаси 0-5 даража илиқ, кундузи 7-12 даража илиқ бўлади.

Шу кунлардаги ҳарорат мазкур давр учун хос бўлган меъёрий қийматлардан бир оз паст бўлади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан