Бугун Ўзбекистонда ҳаво бироз булутли бўлади, ҳарорат эса кўтарилади
17.07.2021 09:08,
87
Ўзбекистон Гидрометеорология хизмати хабарига кўра, бугун кундуз куни Ўзбекистонда ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳаво ҳарорати 32-37° гача кўтарилади.
Пойтахтимизда ёғингарчилик кутилмайди. Шамол 5-10 м/с тезликда эсади. Ҳаво ҳарорат 33-35° ни ташкил этади.
Тоғли ҳудудларда ёғингарчилик кутилмайди, фақат Фарғона водийси вилоятларининг тоғли ҳудудларида куннинг иккинчи яримида баъзи жойларда қисқа муддатли ёмғир ёғиши, момақалдироқ бўлиши мумкин. Шамол 7-12 м/с тезликда эсади. Ҳаво ҳарорати 22-27° бўлади.
Андижон, Наманган, Фарғона вилоятларининг тоғ олди ва тоғли ҳудудларида сел келиши хавфи бор.