Ўзбекистон Республикаси Транспорт вазирлиги Қозоғистон авиация маъмурияти билан халқаро мунтазам йўловчи авиақатновларини тиклаш бўйича олиб борган музокаралар якунига кўра «Uzbekistan Airways» ва «Air Astana» авиакомпанияларига сентябрь ойидан бошлаб паритет тамойили асосида Тошкент–Олма ота–Тошкент йўналишида мунтазам парвозларни бажаришни бошлаш бўйича келишувга эришилган эди.
Мазкур йўналиш бўйича қатновлар ҳафтанинг жума кунлари амалга оширилади. Бугундан эътиборан «Uzbekistan Airways» ва «Air Astana» авиакомпаниялари ушбу йўналишда парвозларни бажаришни бошлади.
«Air Astana» авиакомпаниясининг Олма ота – Тошкент – Олмаота йўналишида парвозни амалга оширган самолёт бугун соат 12:40 да Ислом Каримов номидаги «Тошкент» халқаро аэропортига келиб қўнди.