Бухоро вилояти ҳокимининг фармойишига биноан, 5 та туман ҳокимига ҳайфсан интизомий жазоси берилди, 2 та туман ҳокими эса иш ҳақининг 20 фоиз миқдорида жарима тўлайдиган бўлди.

 Қайд этилишича, улар фуқароларнинг мурожаатлари билан ишлашдаги сусткашлиги учун жазоланган.

Бу ҳақда Kun.uz нашри хабар бермоқда. Фармойишга кўра, вилоят ҳокими ўринбосарлари, туман ва шаҳарлар ҳокимларининг фуқароларнинг мурожаатлари билан ишлаш борасидаги фаолияти қониқарсиз деб топилган. Фуқароларнинг мурожаатлари билан ишлашга эътиборсизлик билан қарагани учун қуйидагиларга ҳайфсан интизомий жазоси қўлланган: 

Қоровулбозор тумани ҳокими;

Вобкент тумани ҳокими; 

Когон тумани ҳокими; 

Пешку тумани ҳокими; 

Бухоро тумани ҳокими. 

Бундан ташқари, Жондор тумани ҳокими ва Шофиркон тумани ҳокимига ойлик иш ҳақининг 20 фоизи миқдорида жарима қўлланилган. 

Бухоро шаҳри ҳокими эса огоҳлантирирш олган.