2020 йилнинг 7 февраль куни тонгги соат 6:00 да Южноуральск – Магнитогорск трассасида Верхнеуральск тумани (Челябинск вилояти) ҳудудида икки автомобил иштирокида йўл-транспорт ҳодисаси содир бўлган.
Унинг оқибатида 3 киши, жумладан Ўзбекистон фуқароси М.Р. вафот этган, ҳамюртларимиз М.Н. ва А.Р. жароҳат билан касалхонага ётқизилган.
Ташқи меҳнат миграцияси агентлиги матбуот котиби Ортиқхўжа Норовнинг ёзишича, мазкур вазият назоратга олинган ва жароҳатланганлар ва уларнинг яқинлари билан алоқа ўрнатилган.
Ташқи меҳнат миграцияси агентлигининг Москва шаҳридаги ваколатхонаси Бош консулхона билан биргаликда марҳуманинг жасадини турмуш ўртоғи ҳамроҳлигида ватанга жўнатиш билан боғлиқ ҳуқуқий ва ташкилий масалаларни ҳал қилмоқда.