Чет тилини билиш ва эгаллаш даражасини аниқлаш бўйича феврал ойида бўлиб ўтадиган тест синови санаси белгиланди. Бу ҳақида ДТМ расмий телеграм канали хабар бермоқда.
Чет тили имтиҳонлари 24-26-феврал кунлари бўлиб ўтади.
Унга кўра, тест синовининг ёзма қисми 24-феврал куни, гапириш кўникмасини баҳолаш имтиҳони эса 25-26-феврал кунлари ўтказилади.
Тест синовлари Қорақалпоғистон Республикаси, вилоятлар ва Тошкент шаҳрида бўлиб ўтади.
Талабгорлар тест жойи, куни ва вақтини Давлат тест марказининг интерактив хизматлар портали (my.dtm.uz сайти) орқали шахсий кабинетларидан билиб олишлари мумкин.