Жорий йилнинг 24 ноябрь куни президент томонидан “Суд ҳужжатлар ва бошқа органлар ҳужжатларини ижро этиш тизимини янада такомиллаштириш чора-тадбирлари тўғрисида”ги фармон имзоланди.
Янги фармон ижро тартиб-таомилларини янада соддалаштириш, ижро ҳужжатларини сўзсиз ва ўз вақтида ижро этишни таъминлаш орқали фуқаролар ҳамда жамият манфаатларини ишончли ҳимоя қилишга қаратилган ҳужжат ҳисобланади.
2020 йил 1 декабрдан бошлаб, жиноят натижасида давлатга етказилган зарар, давлат божлари, жиноий ва маъмурий жарималар, давлат фойдасига бошқа турдаги ундирувлар ҳамда давлат даромадига ўтказиладиган олиб қўйилган мол-мулкни сотишга оид ижро ҳужжатлари бўйича сотилган мол-мулкларнинг маблағлари - алоҳида ғазначилик ҳисоб-рақами билан пропорционал тартибда тенг равишда “Темир дафтар”, “Аёллар дафтари” ва “Ёшлар дафтари”га киритилган фуқароларни қўллаб-қувватлашга йўналтирилади.